神經三兄妹, 喵~

田田, 我仍然很掛念你

2006-01-16T21:04:00.000+08:00

阿華田離開了我, 離開了這個世界剛一個星期, 媽媽我仍然很掛念你, 每天回家當我開了大門後, 再聽不到你的叫聲, 沙發看似寂莫因為上面是空空的, 只有你平常睡慣的坐墊, 晚上我仍然預留了位置給你睡, 可惜你已不再在我身旁.

再見了, 阿華田 Goodbye, Ovaltine

2006-01-10T21:18:00.001+08:00

Babe Ovaltine 已於一月九號晚離開了我們, 我知道她是等見埋我們最後一面, 叫了兩聲, 就走了... 曾經, 我懷疑自已的堅持是否在延長她的痛苦, 但我相信她確感受到我對她的愛, 因為, 我真的願意盡力給她最多的溫暖陪伴她走到最後, 完結短暫的生命... 希望她這短暫的一生是幸福的...
Babe Ovaltine, 哈利爸爸說你已變成了一位小天使在天上祝福我們, 是嗎?
hope she can have a healthy and a good new life in the heaven.
P.S. 特別感謝一位好同事幫我在她生前拍攝過一批靚相 Danny, Thanks a lot!

在這廣大的世界

2005-10-27T17:06:00.000+08:00

田田, 你究竟知唔知自己咩事呢?

2005-10-27T15:10:00.000+08:00

田田體重又輕過上次拉, 上次2kg左右, 今次1.87kg... 身體開始愈來愈弱, 佢其實好肯去食野架, 但點解會輕過上次呢???
佢雖然食左D藥係冇抽得咁厲害, 但好多時會扭計無端端大叫, D聲音似係唔舒服咁... 只有我抱實佢致會收聲, 唔通佢都知自己命不久矣?
怎算好? 唔通今次我真係要決定早D送佢去彩虹橋???
天呀!

田田開始用尿片拉: 是Dr. Maggie 教路^^~ THX

2005-09-29T23:17:00.000+08:00

阿華田已轉了另一隻鎮靜葯, 效果都好好, 可將她的肌肉放鬆, 抽筋時間大大減少了...
Dr. Maggie 問我佢一日抽幾多次, 我諗左好耐唔識答, 係因為佢抽筋次數實在太多, 有陣几分鐘停一停跟住又來過, 有陣只係抽一抽... 我知道佢情況又差左, 肯食但食得辛苦... 幸好精神還可!
我終於鼓氣勇氣問左關於[安采樂死], 佢仲有幾耐命? 我係咪應該早D比佢去極樂既世界? 唔駛佢再受苦呢? 我係米自私呢唔比佢走? DR. Maggie話以往既case通常一早已送走左佢, 所以今次田田會有幾耐命, 佢都預計唔倒, 何況田田冇做MRI, 我既然願意繼續照顧佢, 我呢刻冇比佢離開都OKAY, 呢種係緣份, 我喊到七彩呀...

睡得很香啊~

2005-09-29T22:57:00.000+08:00

hi!

2005-08-27T23:38:00.000+08:00

hello everbody, 我沒有帶田田, Ovaltine follow up. 因為隻藥食左之後的effect 都係差唔多, 如果長期食果隻藥, 會對肝同腎功能變差, 所以我決定唔follow up law. 不過我都會定期bring田田去body check下, 有乜依郁我先帶田田去見Dr. Maggie 咁law. 最近佢仍然會賴屎賴尿, 但正所謂 [食得柯得訓得] 我都冇乜好要求law, 只要田田開開心心咁生活, 我做人亞媽定盡力照顧佢到最後一刻...望就望佢可以健康D, 長命D... 佢家陣都行倒幾步ga, 好努力咁碎步行, 睇落幾好笑, 扭計時好似BB仔既叫聲, 一抱住佢叫佢個名, 田田就會靜哂, 眼定定望住你, 跟住就瞌眼訓ga la..... 係米好似真BB 咁呢^O^
貓媽莎拉
P.S. 雖然我已習慣田田每日賴屎賴尿, 而佢就要每日沖涼, 有人教我可以困住佢, 但佢好唔like, 所以我冇做到, 我又怕其他貓會踩倒而弄致其他地方污糟wor, 何況日日同佢沖涼, 我就冇所謂, 但我知佢唔多like law

My sweet heart, Baby Ovaltine

2005-07-29T22:21:00.000+08:00

Ovaltine ... 已經差左好多la, 對腳每日都會抽幾次, 身又震, 食野時個頭fing得好厲害, 睡覺時個身抽得最勁, 平日口水又多令到佢好唔舒服, 佢已經唔會再跳, 就算行路都搖搖擺擺, 有時連起身都冇力, 淒涼ge叫聲, 我只好盡量去估佢想要乜, 去滿足佢... 佢好叻, 佢知道跳唔到上床, 會叫我抱佢上床, 佢想落床, 佢會用上半身貼住床邊滑落地, 佢係坐唔穩企唔穩咁食野, 因為一低頭就會跌, 佢只好用前肢撐住訓響地食野, 佢想飲水會叫我裝滿D水等佢容易飲... 上星期開始每天都趕唔切去廁所, 結果... 在貓沙盆門口失禁了... 我好傷心... 因為我知道佢未必可以過到兩歲... 今日我準備左個淺盆, 希望佢可以去到廁所... 紙尿片, 我諗我要準備定... 縱使我唔想佢用... 一用就代表佢將要離開我... 昨天見了Dr. Maggie, 佢都話佢差左好多, 開左D鎮靜葯比佢試, 希望可以減低佢D抽搐同身震, 大家都知道ovaltine呢個病係冇得醫, 唔會好, 只有差, 我只有定時帶佢覆下診... 我唔敢問, 佢仲有幾耐命, 因為... 我好驚... 可憐ge 阿華田, 媽媽我會盡力去令你覺得溫暖...

亞媽, 你以為自己好醒咩 >"<

2005-07-03T00:03:00.000+08:00

其實你又懶又懵之ma, 包貓糧今早已經食晒la, 你放左工又唔記得買... 喵喵喵...仲唔係想餓死我地三兄妹!
老媽子自圓其說: 咁...我成九點至放工丫ma...(叮!) 好彩冰格常備雞柳姐! eeeee 今晚一於食雞la, 好冇?!
三兄妹: 好! yeah! we love chicken, we love chicken, we love...

捉E因 (上集) 殊~

2005-06-04T22:30:00.000+08:00

喂~ 我玩緊捉E因, 你地千期唔好爆響口, 我係度呀, 知冇! @@"

我都係快 D lay埋先...

捉E因 (下集) 頂~

2005-06-04T22:22:00.000+08:00

媽子:(面色轉黑中)可樂大小姐, 你唔怕黑咩? .\"/.

叫我呀?

2005-06-04T22:21:00.000+08:00

武林盟主??

2005-04-19T00:48:00.000+08:00

論武功, 俗世中不知邊個高, 或且, 絕招一出定比你更好!

亞媽...救我呀! ~"~

2005-04-19T00:31:00.000+08:00

阿華田(火遮眼中): .....喵喵喵喵喵.....你你你你你...
咖啡(惘然+口震中): ?????(發生乜野事??) 我...我...我得罪左你D乜呀@@???

乜傻豹唔係粉紅色既咩 @@?

2005-04-12T23:57:00.001+08:00

.... 因為我係傻貓丫嘛 ^O^

你估下我係邊個?

2005-04-12T23:57:00.000+08:00

答案: 我咪係coffee囉

寶貝女--- 阿華田

2005-04-09T01:51:00.001+08:00

我叫做阿華田, 今年一歲, 我兩個月時亞爸哈利係街度執我返屋企, 我係本地貓品種ginger girl, 半年前亞媽莎拉發現我唔多跳唔會撞爛D野, 仲以為我好乖咁, 但又見我時常企唔隱, 又成日PK, 所以上個星期去左貓醫院搵亞Dr. Maggie做下body check, 初步診斷係患左冇得醫既病 cerebella hypoplasia 即係小腦發育不全, 可能係細細個時受到病毒感染, 令我D肌肉控制差, 平衡力差...甚致會抽筋, 亞媽知道後唔開心到想喊... Dr. Maggie話可以去做個MRI(磁力共振)照下個腦去確認一下, but it is only for interest, 價錢好貴... Dr. Maggie估計只要我情況冇差到都有六七年命或更長, 亞媽只好成日留意注我唔好跌親因驚會骨折囉, 目前我仲食得, 十次有六次跳得到上sofa, 比以前叻左嫁喇, 最遺憾係我都好想踢波, 好想玩捉迷藏, 但我又企唔穩...玩又冇我份咁囉 =.=

現今香港'肥'貓女的夢想

2005-04-09T01:08:00.000+08:00

cola: 唔知有冇纖體公司搵我做代言人呢? 今個夏天我想著三點式比堅尼啊...呢好似呀芝芝, 加玲, 緹緹或今期大熱珊珊咁就good fit 啦 <--- (亞媽sara: 死左條心啦, 衰女! 係都亞媽我纖先啦! xyz*#@...)

2005-04-09T01:04:00.000+08:00

亞媽sara 用某手機E808 攝的黑白照, 掂嘛?!
model: cola

2005-03-14T20:29:00.000+08:00

ovaltine: I'll be ok, go find your love today. Searching everywhere, a lot of sunshine's waiting for you. Don't be afraid, you'll find your love one day. Tell me that you do your best for me, I believe in your faith.

2005-03-13T03:25:00.000+08:00

...

2005-03-13T00:57:00.000+08:00

cola: Close your eyes, Give me your hand darling. Do you feel my heart beating. Do you understand. Do you feel the same? Am I only dreaming... Is this burning an eternal flame!

2005-03-13T00:37:00.000+08:00

coffee: 忘了告訴你　我已慣了一個睡　由你去抱我更空虛...

2005-02-26T22:00:00.000+08:00

woodstock 係我老友, 我都係同佢玩好過

2005-02-26T21:55:00.001+08:00

我又學家姐玩愉家先

唉, 唔掂, 抖抖...

2005-02-26T21:55:00.000+08:00

再黎, one more, two more...

唔好再影玩唔掂呀, meo~

肥婆玩愉家@O@|||

2005-02-26T21:53:00.000+08:00

話我肥~"~, 我玩愉家比你睇! (好辛苦呀)

2005-02-26T18:58:00.000+08:00

名字: 咖啡 Coffee
偽名: 大少
神經指數: 最勁
祕密武器: 嗲音波
專長: 使出'怨魂不散' 絕學武功
健力士紀錄項目: 門鐘一響, 唔駛兩秒, 我已經閃左(仲快過劉翔)
P.S. 我都係全靠亞媽帶我去做左不人道手術@@",
我致可以練成玉女心經第九重'怨魂不散', 我有練功嫁
(所以痴左線!)

2005-02-26T18:20:00.000+08:00

名字: 可樂 Cola
偽名: 肥婆, 妹妹, 皇太后, 大小姐
神經指數: 一般
祕密武器: 用對波子咁大既眼-->啤貓
專長: 厲鬼纏身 (肚餓果陣-.-)
P.S. 你地唔好見我咁肥就以為我好貪食呀,
我只會食貓糧(指定某三種牌子), 雞肉同蝦呀, 魚生咁姐

2005-02-26T18:02:00.000+08:00

(2004.4 - 2006.1)
名字: 阿華田 Ovaltine
偽名: BB
神經指數: 最細
祕密武器: 聲大夾冇準
專長: 用獅吼功兇人
喜好: 巡視(我既)地盤
P.S. 我平日好正常嫁, 只不過當我發緊夢時致病發之嘛,
痙攣, 踢人, 發開口夢, 眼反反咁咋