星期一, 1月 16, 2006

田田, 我仍然很掛念你


阿華田離開了我, 離開了這個世界剛一個星期, 媽媽我仍然很掛念你, 每天回家當我開了大門後, 再聽不到你的叫聲, 沙發看似寂莫因為上面是空空的, 只有你平常睡慣的坐墊, 晚上我仍然預留了位置給你睡, 可惜你已不再在我身旁. Posted by Picasa

星期二, 1月 10, 2006

再見了, 阿華田 Goodbye, Ovaltine


Babe Ovaltine 已於 一月九號晚 離開了我們, 我知道她是等見埋我們最後一面, 叫了兩聲, 就走了... 曾經, 我懷疑自已的堅持是否在延長她的痛苦, 但我相信她確感受到我對她的愛, 因為, 我真的願意盡力給她最多的溫暖陪伴她走到最後, 完結短暫的生命... 希望她這短暫的一生是幸福的...
Babe Ovaltine, 哈利爸爸說你已變成了一位小天使在天上祝福我們, 是嗎?
hope she can have a healthy and a good new life in the heaven.
P.S. 特別感謝一位好同事幫我在她生前拍攝過一批靚相 Danny, Thanks a lot! Posted by Picasa

星期四, 10月 27, 2005

在這廣大的世界


Posted by Picasa

田田, 你究竟知唔知自己咩事呢?

田田體重又輕過上次拉, 上次2kg左右, 今次1.87kg... 身體開始愈來愈弱, 佢其實好肯去食野架, 但點解會輕過上次呢???
佢雖然食左D藥係冇抽得咁厲害, 但好多時會扭計無端端大叫, D聲音似係唔舒服咁... 只有我抱實佢致會收聲, 唔通佢都知自己命不久矣?
怎算好? 唔通今次我真係要決定早D送佢去彩虹橋???
天呀!

星期四, 9月 29, 2005

田田開始用尿片拉: 是Dr. Maggie 教路^^~ THX




Posted by Picasa
阿華田已轉了另一隻鎮靜葯, 效果都好好, 可將她的肌肉放鬆, 抽筋時間大大減少了...
Dr. Maggie 問我佢一日抽幾多次, 我諗左好耐唔識答, 係因為佢抽筋次數實在太多, 有陣几分鐘停一停跟住又來過, 有陣只係抽一抽... 我知道佢情況又差左, 肯食但食得辛苦... 幸好精神還可!
我終於鼓氣勇氣問左關於[安采樂死], 佢仲有幾耐命? 我係咪應該早D比佢去極樂既世界? 唔駛佢再受苦呢? 我係米自私呢唔比佢走? DR. Maggie話以往既case通常一早已送走左佢, 所以今次田田會有幾耐命, 佢都預計唔倒, 何況田田冇做MRI, 我既然願意繼續照顧佢, 我呢刻冇比佢離開都OKAY, 呢種係緣份, 我喊到七彩呀...

睡得很香啊~


Posted by Picasa

星期六, 8月 27, 2005

hi!


hello everbody, 我沒有帶田田, Ovaltine follow up. 因為隻藥食左之後的effect 都係差唔多, 如果長期食果隻藥, 會對肝同腎功能變差, 所以我決定唔follow up law. 不過我都會定期bring田田去body check下, 有乜依郁我先帶田田去見Dr. Maggie 咁law. 最近佢仍然會賴屎賴尿, 但正所謂 [食得柯得訓得] 我都冇乜好要求law, 只要田田開開心心咁生活, 我做人亞媽定盡力照顧佢到最後一刻...望就望佢可以健康D, 長命D... 佢家陣都行倒幾步ga, 好努力咁碎步行, 睇落幾好笑, 扭計時好似BB仔既叫聲, 一抱住佢叫佢個名, 田田就會靜哂, 眼定定望住你, 跟住就瞌眼訓ga la..... 係米好似真BB 咁呢^O^
貓媽莎拉
P.S. 雖然我已習慣田田每日賴屎賴尿, 而佢就要每日沖涼, 有人教我可以困住佢, 但佢好唔like, 所以我冇做到, 我又怕其他貓會踩倒而弄致其他地方污糟wor, 何況日日同佢沖涼, 我就冇所謂, 但我知佢唔多like law
Posted by Picasa

星期五, 7月 29, 2005

My sweet heart, Baby Ovaltine

Ovaltine ... 已經差左好多la, 對腳每日都會抽幾次, 身又震, 食野時個頭fing得好厲害, 睡覺時個身抽得最勁, 平日口水又多令到佢好唔舒服, 佢已經唔會再跳, 就算行路都搖搖擺擺, 有時連起身都冇力, 淒涼ge叫聲, 我只好盡量去估佢想要乜, 去滿足佢... 佢好叻, 佢知道跳唔到上床, 會叫我抱佢上床, 佢想落床, 佢會用上半身貼住床邊滑落地, 佢係坐唔穩企唔穩咁食野, 因為一低頭就會跌, 佢只好用前肢撐住訓響地食野, 佢想飲水會叫我裝滿D水等佢容易飲... 上星期開始每天都趕唔切去廁所, 結果... 在貓沙盆門口失禁了... 我好傷心... 因為我知道佢未必可以過到兩歲... 今日我準備左個淺盆, 希望佢可以去到廁所... 紙尿片, 我諗我要準備定... 縱使我唔想佢用... 一用就代表佢將要離開我... 昨天見了Dr. Maggie, 佢都話佢差左好多, 開左D鎮靜葯比佢試, 希望可以減低佢D抽搐同身震, 大家都知道ovaltine呢個病係冇得醫, 唔會好, 只有差, 我只有定時帶佢覆下診... 我唔敢問, 佢仲有幾耐命, 因為... 我好驚... 可憐ge 阿華田, 媽媽我會盡力去令你覺得溫暖...

星期日, 7月 03, 2005

亞媽, 你以為自己好醒咩 >"<

其實你又懶又懵之ma, 包貓糧今早已經食晒la, 你放左工又唔記得買... 喵喵喵...仲唔係想餓死我地三兄妹!
老媽子自圓其說: 咁...我成九點至放工丫ma...(叮!) 好彩冰格常備雞柳姐! eeeee 今晚一於食雞la, 好冇?!
三兄妹: 好! yeah! we love chicken, we love chicken, we love...